QR ІІM ortalyq apparatynyń 4 qyzmetkeri laýazymdy qyzmetimen qosh aıtysady

Bul týraly búgin aptalyq brıfıngte atalǵan vedomstvonyń resmı ókili Nurdildá Oraz  málim etti.

Qazirgi ýaqytta 24 maýsymda bastalǵan quqyq qorǵaý organdarynyń qyzmetkerlerin attestattaýdyń ekinshi kezeńi bastalatyndyǵyn atap ótken ol: «ІІM ortalyq apparaty departamentteriniń, derbes basqarmalarynyń  bastyqtary jáne olardyń orynbasarlary attestattaýdan ótti, barlyǵy 73 qyzmetker», - dedi.

Resmı ókildiń aıtýynsha, komıssııa sheshimi boıynsha 4 qyzmetker joǵary turǵan laýazymǵa usynylǵan. Sonymen qatar 59 adam laýazymdaryna sáıkes keledi dep tanyldy. Al 6 qyzmetker laýazymdarynan bosatylýǵa usynylsa, taǵy  4 qyzmetker ishki ister organdarynan qosh aıtysatyn bolady.