QR ІІM: Óńirlik attestattaý komıssııasyna 49 myńǵa jýyq qyzmetkerdi attestattaýdan ótkizý qaldy
ASTANA. 19 qyrkúıek. QazAqparat - Іshki ister organdarynyń qyzmetkerlerin kezekten tys attestattaýdyń 3 kezeńi jalǵasýda,
77 óńirlik attestattaý komıssııasynyń (budan ári ÓAK) sheńberinde polıtsııa jáne qylmystyq atqarý júıesiniń qyzmetkerleri attestattaýdan ótedi. Bul jaıynda QR ІІM málimetterinde habarlanǵan.
Oq atý, deneshynyqtyrý daıyndyǵy, zańnamany bilý boıynsha kompıýterlik testileý ótkizýge baqylaý jasaý úshin ІІM apparatynyń Kadr jumysy jáne Ózindik qaýipsizdik qyzmetkerleri aýmaqtyq bólinisterge issaparlarǵa jiberildi. Qabyldanatyn sheshimder obektıvti bolý úshin óńirlik komıssııa músheleriniń qataryna ІІM apparatynyń qyzmet basshylary men olardyń orynbasarlary engizildi.
Búgingi kúni Óńirlik attestattaý komıssııasy 22 myńnan astam qyzmetkerdi attestattady, 19211-i (86,5%) laýazymdaryna laıyqty ekendikterin kórsetti. 846-i (4,4 %) qyzmetinen tómendetilse, 1091-i (5,4 %) basqa qyzmetke aýystyryldy, 1057 (4,2 %) qyzmetker ІІO qyzmetinen shyǵaryldy.
Óńirlik attestattaý komıssııasy Qaraǵandy akademııasynda (203 adam), QAJK Akademııasynda (139 adam) Pavlodar zań kolledjinde (88 adam) jáne Semeı qalasyndaǵy ІІM oqý ortalyǵynda (58 adam) óz jumysyn aıaqtady. Jaqyn aralyqta Shymkent, Aqtóbe jáne Almaty qalalaryndaǵy oqý oryndarynda attestattaýdy ótkizý josparlanǵan.
Ortalyq attestattaý komıssııasy (OAK) vedomstvonyń ortalyq apparat, oblystardyń jáne kóliktegi ІІD qyzmet basshylaryn, qalalyq, aýdandyq organ basshylary, qylmystyq-atqarý júıesi mekemeleriniń basshylary, oqý oryndarynyń jetekshileri, ózindik qaýipsizdik jáne esirtki bıznesine qarsy kúres bólinisteriniń, áskerı-tergeý bólinisteriniń jeke quramy, ıaǵnı Іshki ister mınıstrliginiń nomenklatýrasy boıynsha 3096 qyzmetker kezekten tys attestattaýdan ótti. OAK attestattaý nátıjesi boıynsha 73-i (2,4%) joǵary turǵan laýazymǵa usynyldy, 2400 (77,5%) laýazymdaryna laıyqty ekendikterin tanytty, 283 (9,1%) qyzmetkerdiń qyzmeti tómendetildi, 132 (4,3%) qyzmetker basqa qyzmetke aýystyryldy, 208-i (7 %) ІІO-nan qyzmetten shyǵaryldy.
Qazirgi ýaqytta kezekten tys attestattaýdyń nátıjesi boıynsha (JAK, OAK, ÓAK) 25 457 qyzmetkerdiń 1140-nyń (4,5 %) qyzmeti tómendetildi, 1227-si (5,%) basqa qyzmetke aýystyryldy, al 1276-sy (5%) ІІO-nan qyzmetten shyǵaryldy.
Endi Óńirlik attestattaý komıssııasyna 49 myńǵa jýyq qyzmetkerdi attestattaýdan ótkizý qaldy.
