QR ІІM-niń resmı ókili Qýat Hamıtovtyń daýly vıdeosyna pikir bildirdi
NUR-SULTAN. QazAqparat - Іshki ister mınıstrligi qazaqstandyq sportshy Qýat Hamıtovtyń atyshýly beınejazbasyna pikir bildirdi, dep habarlaıdy QazAqparat tilshisi.
«Men sportshy Qýat Hamıtovtyń vıdeosyna pikir bildirgim keledi. Ol áleýmettik jelidegi paraqshasynda zorlyq-zombylyqqa shaqyratyn úndeý jarııalaǵan. Bul zańdy óreskel buzý jáne qylmys bolyp sanalady. Іshki ister mınıstrligi azamattardy jalǵan aqparat taratpaýǵa, memlekettik organdardyń resmı derekterine ǵana senýge shaqyrady. Zań buzylǵan jaǵdaıda ákimshilik jáne qylmystyq jaýapkershilik qarastyrylatynyn este saqtaǵan jón», - dedi QR ІІM resmı ókili Nurdildá Oraz onlaın brıfıngte.
Buǵan deıin sportshy Qýat Hamıtovtyń Almaty qalalyq Polıtsııa departamentine jetkizilgeni habarlanǵan edi.
Áleýmettik jelige monıtorıng júrgizý barysynda azamat Q.Hamıtovtyń zorlyq-zombylyqqa shaqyrǵan vıdeosy anyqtaldy. Atalǵan derek QR QK-niń 272-baby 3-bóligi boıynsha sotqa deıingi tergep-tekserýdiń biryńǵaı tiziliminde tirkelgen.
