QR ІІM-niń Ákimshilik polıtsııa komıteti «Zorlyq-zombylyqsyz otbasy» atty aktsııasyn ótkizýde
ASTANA. Shildeniń 26-sy. QazAqparat /Danıel Shaıynǵazın/ - Qazaqstan Respýblıkasy ІІM-niń ákimshilik polıtsııa komıteti aǵymdaǵy jylǵy shildeniń 26-sy men tamyzdyń 11-i aralyǵynda múddeli memlekettik organdardyń, úkimettik emes uıymdardyń, jurtshylyq pen buqaralyq aqparat quraldarynyń ókilderin tarta otyryp, «Zorlyq-zombylyqsyz otbasy» aktsııasyn ótkizedi.
Іs-sharanyń negizgi maqsaty - úıdegi zorlyq-zombylyq problemalaryna jurtshylyqtyń, atqarýshy jáne zań shyǵarýshy bıliktiń nazaryn aýdarý, qoǵamda áriptestikke jáne qarym-qatynastyń zorlyq-zombylyq tásilderin moıyndamaýǵa negizdelgen otbasy qarym-qatynastarynyń mádenıetin qalyptastyrý, úıdegi zorlyq-zombylyqqa ushyraǵan otbasy múshelerine psıhologııalyq, pedagogıkalyq, quqyqtyq kómek kórsetý.
Aktsııa sheńberinde buqaralyq aqparat quraldarynda jarııalaýdy qoldanyp zorlyq-zombylyq qurbandaryn ońaltý boıynsha qyzmetter kórsetetin mekemelerdiń, bilim berý júıesiniń mamandarymen jáne otbasymen jumys isteıtin basqa da mamandarmen baılanysty jáne ózara is-qımyl jasasýdy nyǵaıtý, úıdegi zorlyq-zombylyq problemasyna qatysýshylardyń habardar bolý deńgeıin arttyrý bolyp tabylady.
Aktsııa úsh kezeńde ótkiziledi:
I kezeń - uıymdastyrý (2010 jylǵy shildeniń 26-ynan 30-yna deıin)
- Aktsııa týraly Erejeni bekitý maqsatynda Astana, Almaty qalalary jáne oblystar men kóliktegi ІІD-de Aktsııanyń Uıymdastyrý komıtetin qurý, josparlaý jáne Aktsııa josparyn kelisý.
II kezeń - atqarýshy (2010 jyldyń 2-nen 8-shi tamyzyna deıin),
Aktsııany ótkizý týraly Uıymdastyrý komıteti keńesinde kelisilgen merzimder boıynsha atalǵan sharalardy ótkizý.
III kezeń - Aktsııanyń qorytyndysyn shyǵarý (2010 jylǵy tamyzdyń 10-11-i aralyǵynda).
Ótkiziletin Aktsııanyń sımvoly aktsııaǵa qatysýshylardyń taǵatyn kók baýy bolady.
Aktsııany ótkizý qoǵamda jáne otbasynda zorlyq-zombylyqsyz qarym-qatynas tájirıbesin qalyptastyrýdy kózdeıdi.
