QR ІІM nasybaıdy satýǵa tyıym salmaıdy

Bul týraly búgin Astanada ótken baspasóz konferentsııasynda QR ІІM esirtki bıznesine qarsy kúres jáne esirtki aınalymyn baqylaý Komıtetiniń tóraǵasy Anatolıı Vyborov málimdedi.

«Nasybaı esirtki zatyna jatpaıdy. Bul temeki untaǵy men ózge qosyndylardan jasalady», - dedi A. Vyborov.

Onyń sózine qaraǵanda, sergitetin áserin kúsheıtý úshin onyń quramyna keıde qustyń sańǵyryǵyn qosatyny jaıly jastardy eskertken jón.

«Nasybaı esirtki zatyna jatpaıtynyn taǵy da qaıtalaımyn. Satýǵa tyıym salynatyn tizimde bul zat joq, sondyqtan ol temeki ónimi retinde saýdalanady», - dep túıdi A. Vyborov.