QR ІІM men ShQO memkirister departamentiniń laýazymdy tulǵalary ustaldy
ASTANA. QazAqparat - Sybaılas jemqorlyqqa qarsy kúres boıynsha ulttyq bıýro ishki ister jáne memlekettik kirister organdarynyń laýazymdy tulǵalary qamaýǵa alynǵandyǵyn málimdedi, dep habarlaıdy QazAqparat.
«QR ІІM Batys óńirlik áskerı-tergeý basqarmasy Aqtóbe bóliminiń basshysy S. Abdýllaev áshkere boldy, ol QR UQK Shekara qyzmetiniń qyzmetkerlerinen jaýapkershilikke tartpaý úshin 2 mln. teńge talap etken. Ol talap etken paranyń bir bóligi - 700 myń teńgeni alý ústinde ustaldy jáne Aqtóbe ІІD ýaqytsha ustaý abaqtysyna qamaldy», - delingen vedomstvonyń habarlamasynda.
Sonymen qatar ShQO boıynsha Memlekettik kirister departamentiniń Aıagóz aýdany boıynsha memlekettik kirister basqarmasynyń basshysyna 250 myń teńge para alýǵa ıtermelegen sol mekemeniń komendanty J. Qojaeva ustaldy.
«Zańsyz syıaqy Aıagóz qalasynyń ortalyq bazarynda alkogoldi ónimdi satýǵa ruqsatty alý úshin jáne oǵan «qamqorlyq» kórsetýge arnalǵan. J.Qojaeva Aıagóz aýdandyq ІІO-nyń ýaqytsha ustaý abaqtysyna jetkizildi», - delinedi Ulttyq bıýro habarlamasynda.
Sot aldyndaǵy tergeý jumystary jalǵastyrylýda.
