QR ІІM men Germanııa krımınaldyq polıtsııasy federaldyq vedomstvosynyń (BKA) ókilderi transulttyq qylmysqa qarsy is-qımyl jasasý máselelerin talqylady
ASTANA. Tamyzdyń 10-y. QazAqparat - Aǵymdaǵy jylǵy tamyzdyń 10-ynda Іshki ister mınıstrliginde Qazaqstan Respýblıkasy Іshki ister mınıstriniń mindetin atqarýshy A.Kýlınıchtiń Germanııa krımınaldyq polıtsııasy federaldyq vedomstvosynyń (BKA) Prezıdenti Iorg Tsırkemen kezdesýi ótti, dep habarlaıdy Respýblıkasy ІІM Memlekettik til jáne aqparat departamenti.
BKA german krımınaldyq polıtsııasynyń ortalyq organy, sondaı-aq GFR Halyqaralyq qylmystyq polıtsııa uıymy Ulttyq Ortalyq Bıýrosynyń (Interpol) quryltaıshysy jáne Evropol boıynsha ulttyq organ bolyp tabylady.
BKA-nyń Ortalyq Azııadaǵy ókilderi jáne Іshki ister mınıstrligine qarasty birqatar qyzmetterdiń basshylary qatysqan bul kezdesý Qazaqstan men Germanııa quqyq qorǵaý organdarynyń yntymaqtastyǵyn nyǵaıtý isinde úlken mańyzǵa ıe.
Kezdesýde yntymaqtastyq baǵyttary, onyń ishinde transulttyq qylmysqa, ásirese onyń uıymdasqan túrlerine jáne esirtki bıznesine qarsy is-qımyl jasasý máseleleri talqylandy.
Kezdesýge qatysýshylar osy salalardaǵy qarym-qatynastardy damytý jóninde, sondaı-aq aldaǵy ýaqyttaǵy ózara is-qımyldyń keleshegi jaıly pikir almasty.
Kezdesý dostyq, ózara túsinistik pen syndarly dıalog jaǵdaıynda ótti.
