QR ІІM: Mas kúıde kólik júrgizýshiler sany azaıar emes
ASTANA. QazAqparat - Іshimdik iship alyp kólik basqarý - qylmys ekeni qansha jerden jazylyp-aıtylsa da, araq-sharapty kórse, bárin umytatyndar azaıar emes. Búgingi tańda elimizdiń Іshki ister mınıstrligi taratqan málimetter osyǵan dálel bolyp otyr.
QR ІІM Memlekettik til jáne aqparat departamentiniń dırektory Almas Sadýbaevtyń aıtýynsha, elimizde 10 sáýirde bastalǵan «Quqyqtyq tártip» jedel aldyn alý sharasy kezinde ishimdik iship kólik basqarǵan 434 adam anyqtalǵan.
Sondaı-aq, kólik jyldamdyǵyn shamadan tys arttyrýǵa qumartyp turatyndar da az kezdespeıdi. Atalmysh sharaǵa baılanysty arnaıy reıd ótkizgen saqshylar 2136 kólik júrgizýshisin jyldamdyqty shekten asyryp jibergeni úshin toqtatty. Jaı toqtatyp qoıǵan joq, zań boıynsha tıisti sharalar qabyldady.
«Buǵan qosa, joldyń qarsy betine shyǵyp ketken 112 júrgizýshi jazaǵa tartyldy»,-deıdi Sadýbaev.
