QR ІІM: Mal urlyǵyna qatysty eki uıymdasqan qylmystyq top qolǵa tústi
NUR-SULTAN. QazAqparat – Qazaqstanda mal urlyǵymen aınalysqan eki uıymdasqan qylmystyq top ustaldy. Bul týraly QR ІІM Krımınaldyq polıtsııa departamenti bastyǵynyń orynbasary Saǵat Madıev málim etti, dep habarlaıdy QazAqparat tilshisi.
«Bıyl eki uıymdasqan qylmystyq top ustaldy. Bireýi Túrkistan oblysynda, al ekinshisi Aqmola oblysynda. Bul qylmyskerler maldy urlaıtyndar, soıatyndar, tasymaldaıtyndar, sondaı-aq etti satatyndar tizbeginen turady. Qazirgi ýaqytta tergeý amaldary júrip jatyr, qylmystyq is sotqa joldanady. Tergeý sharalary barysynda keltirilgen shyǵyn kólemi anyqtalady», - dedi S. Madıev Іshki ister mınıstrligindegi baspasóz máslıhatynda.
Onyń sózine qaraǵanda, uıymdasqan qylmystyq top mal urlyǵymen aǵymdaǵy jyly aınalysqan.
«Jalpy, búginde Qazaqstanda mal urlyǵyna qatysty turaqty qylmystyq toptar joq. Tıisti málimetter alynǵannan keıin, kúdiktilerdi ustaý men tergeý amaldaryn júrgizý sharalary uıymdastyryldy», - dedi.
Eske sala keteıik, Prezıdent Qasym-Jomart Toqaev mal urlyǵy men boıynsha shuǵyl sharalar qabyldaýdy tapsyrdy.
