QR ІІM lańkester saýyqtyrý lagerine shabýyl jasady degen aqparatty rastamady
ASTANA. QazAqparat - QR Іshki ister mınıstrligi Aqtóbede terrorıster saýyqtyrý lageriniń kúzetshilerine oq atty degen aqparatty joqqa shyǵardy.
«Aqtóbe oblysynda saýyqtyrý lageriniń kúzetine qarýly shabýyl jasaldy degen aqparatty tekserdik. Aqparat rastalǵan joq. Terrorısterdi ustaý kezinde jaralanǵan adamdadyń sany burynǵydaı tórt adam. Elimizdiń ishki ister mınıstrliginiń jeke quramy kúsheıtilgen rejımde jumys istep keledi. Aqtóbe qalasyndaǵy, jalpy elimizde jaǵdaı qazir turaqty jáne baqylaýǵa alynǵan», - dedi telefon arqyly QazAqparat tilshisiniń suraǵyna jaýap bergen QR ІІM resmı ókili Almas Sadýbaev.
Eske sala keteıik, búgin Prezıdenttiń qabyldaýynda bolǵan QR Ulttyq qaýipsizdik komıtetiniń tóraǵasy Vladımır Jumaqanov búgin tańerteń Aqtóbede lańkester balalar lageriniń kúzetine oq atty dep habarlaǵan edi.
