QR ІІM qyzmetteriniń 95% avtomattandyryldy – Nurdildá Oraz
NUR-SULTAN. QazAqparat – Avtokólikti tirkeý, jeke basty kýálandyratyn qujattar men júrgizýshi kýálikterin berý, sondaı-aq azamattardy turǵylyqty jeri boıynsha tirkeý qyzmetteri eń kóp suranysqa ıe. Bul týraly QR ishki ister mınıstrliginiń Facebook paraqshasynda ótken tikeleı efırde aıtyldy, dep habarlaıdy QazAqparat tilshisi.
«Tsıfrlandyrý máselesi jumys tıimdiligin arttyryp, protsesterdi jeńildetedi jáne halyqqa kórsetiletin memlekettik qyzmetterdi qysqa merzimde oryndaýǵa múmkindik beredi. Sondaı-aq, qyzmetkerlerdiń turǵyndarmen tikeleı baılanysqa túsýine jol bermeıdi. Osylaısha sybaılas jemqorlyq táýekelderin azaıtady», - deıdi QR ІІM resmı ókili Nurdildá Oraz.
Onyń aıtýynsha, búgingi kúni ishki ister organdary azamattarǵa kórsetetin 40 qyzmettiń 38-i (95%) avtomattandyrylǵan.
«Onyń ishinde avtokólikti tirkeý, jeke basty kýálandyratyn qujattar men júrgizýshi kýálikterin berý, sondaı-aq azamattardy turǵylyqty jeri boıynsha tirkeý qyzmetteri eń kóp suranysqa ıe.
ІІM júıesindegi tirkeý-emtıhan bólinisteri taratyldy. Endi avtokólikterdi esepten shyǵarý jáne tirkeý, memlekettik nómir belgisin tańdaý jáne daıyn qujattardy jetkizýge tapsyrys berýdi qashyqtyqtan júzege asyrýǵa bolady, ІІM bazalary boıynsha barlyq tekserýler avtomattandyrylǵan», - deıdi ol.
