QR ІІM qyzmetkerleriniń Búkilálemdik polıtseıler men órt sóndirýshiler olımpıadasyndaǵy alǵashqy tabystary
ASTANA. 31 tamyz. QazAqparat /Ǵalymjan Hasenov/ - Búgin túnde muhıttyń ár jaǵynan qýanyshty habar keldi, «Aırın» daýylynyń sebebinen Búkilálemdik polıtseıler men órt sóndirýshiler olımpıadasy Nıý-Iork mańynda keshigip bastaldy.
Belgili sportshy, QR eńbek sińirgen sport sheberi, kúsh-qurylymdar arasyndaǵy Álem men Eýropanyń toǵyz dúrkin chempıony jáne rekordshysy Serik Nurǵalıev benchpress (shtangyny jatyp syǵymdaý) boıynsha kúmis medalǵa ıe boldy. Fınaldyq jekpe-jekte kóptegen kúshti atletterdi artqa tastaǵan Serik amerıkandyq qarsylasyna ǵana jol berdi.
Birinshi qyrkúıekte bizdiń boksshylar men dzıýdoshylar aıqasqa kiredi.
Esterińizge sala keteıik, olımpıadaǵa álemniń 70 elinen quqyq qorǵaý organdarynyń 15 myńnan astam qyzmetkerleri qatysýda.
Saltanatty ashylýy Brýklınniń ortalyǵynda boldy, al jarystar Nıý-Iorktiń bedeldi aýdany - Manhettende ótip jatyr.
Qazaqstan Respýblıkasynyń ІІM abyroıyn bizdiń bes otandasymyz qorǵaýda.
