QR ІІM qyzmetkerlerine planshet pen smartfon ustaýǵa tyıym salynady
ASTANA. QazAqparat - 1 sáýirden bastap, QR Іshki ister mınıstrliginiń qyzmetkerlerine jumysta planshet pen smartfon paıdalanýǵa tyıym salynady.
Bul týraly búgin QR Іshki ister mınıstrligi Ákimshilik polıtsııa komıtetiniń tóraǵasy Igor Lepeha málim etti.
«Sheshim qabyldandy. Ol QR Premer-Mınıstriniń Keńsesimen kelisildi. Memlekettik qyzmetkerlerge jumysqa planshet pen smartfon ákelýlerine tyıym salynady. Bul norma birqatar organdarda engizilip te úlgerdi. Kóbi 1 sáýirden bastap engizýdi josparlap otyr. Keıbiri 4 sáýirge dep mejeleýde. Árbir organ ózderi sheshedi. Іshki tártip erejeleri bar. QR Іshki ister mınıstrligine keletin bolsaq, mınıstrdiń tapsyrmasymen biz 1 sáýirden bastap, qyzmetkerlerge jumysqa planshet pen smartfon ákelýge tyıym salamyz. Qazir basshylyqtan bastap, barlyq qyzmetkerler ınternetke qosylmaıtyn qarapaıym telefon satyp aldyq», - deıdi I.Lepeha QR Іshki ister mınıstrliginde ótken baspasóz máslıhatynda.
Onyń sózi boıynsha, atalmysh sheshim mınıstrliktegi aqparattyq qaýipsizdikti saqtaýǵa múmkindik beredi.
«Birqatar mańyzdy qujattar WhatsApp pen Facebook jelilerinde «qydyryp» júrgenin kórdik. Sondyqtan osyndaı sheshim shyǵarylyp otyr», - dep atap ótti ol.
