QR ІІM qyrkúıek aıy boıy zańsyz saqtaýdaǵy atys qarýlardy jáne jarylǵysh zattardy satyp alady
ASTANA. 14 tamyz. QazAqparat - Elimizdiń Іshki ister mınıstrligi qoǵamdyq qaýipsizdikti qamtamasyz etý jáne qylmystyń aldyn alý maqsatynda 1-30 qyrkúıek aralyǵynda halyqtan zańsyz saqtaýdaǵy atys qarýlaryn,
oq-dáriler men jarylǵysh zattardy satyp alý aktsııasyn ótkizbek. Bul týraly búgin aptalyq brıfıng barysynda QR Іshki ister mınıstrliginiń resmı ókili Nurdildá Oraz málim etti.
«Tirkelmegen atys qarýlaryn, oq-dáriler men jarylǵysh zattardy óz erkimen tapsyrǵan tulǵalar qylmystyq jáne ákimshilik jaýapkershilikten bosatylatyn bolady. Qarý-jaraq quraldaryn óz erkimen tapsyrǵan azamattarǵa atalǵan quraldardyń tehnıkalyq jaǵdaıyn eskere otyryp, árbir danasyna 10-nan 100 aılyq eseptik kórsetkish mólsherinde aqsha tólenedi», - dedi ol.
Resmı ókildiń atap ótýinshe, bul aktsııa ótken jyly da ótkizilgen bolatyn. Onyń qorytyndysy boıynsha azamattar erikti túrde 12 myń dana atys qarýyn, 267 myń oq-dári, sondaı-aq 43 jarylys quraly men 28 keli jarylǵysh zat tapsyrǵan.
