QR ІІM qylmystyq quqyqbuzýshylyqtardy tergeýdiń jańa standartyn engizbek

ASTANA. QazAqparat - Polıtsııa qyzmetin tsıfrlandyrý jáne qaǵazbastylyqtan aryltý aıasynda ótken jyldyń jeltoqsan aıynan bastap Aqmola oblysy Qosshy qalasynyń polıtsııa bóliminiń bazasynda «Polıtsııa tergeýi» pılottyq jobasy iske qosyldy.

Al bıylǵy 20 aqpanynan bastap osy joba elordanyń «Saryarqa» aýdanynyń Polıtsııa basqarmasynda júzege asyrylyp jatyr, – dep habarlaıdy QazAqparat Polisia.kz saıtyna silteme jasap.

Aıta ketý kerek, bul usaq jáne aýyrlyǵy ortasha teris qylyqtar boıynsha aıqyn qylmystyq quqyq buzýshylyqtardy tergeýdiń jańa standarty. Munda biryńǵaı esep úshin barlyq tergeý áreketterine beınetirkeý júrgiziledi. Ol tergeýdiń jedeldigin arttyryp, azamattardyń quqyqtaryn teris paıdalaný men buzý táýekelderin azaıtady, dálelderdi burmalaýdan qorǵaıdy, tergeýdiń obektıvtiligi men sapasyn arttyrady.

Qyzmetkerlerdiń ózderi úshin bul format yńǵaıly, óıtkeni ol tergeý áreketteri hattamasyn júrgizbeıdi, ıaǵnı ýaqyt únemdeıdi.

Atalǵan bastamanyń negizi 17 naýryzda Memleket basshysy qol qoıǵan «Qazaqstan Respýblıkasynyń keıbir zańnamalyq aktilerine qylmystyq sot isin júrgizý salasyndaǵy adam quqyqtary, jazany oryndaý, sondaı-aq azaptaý men basqa da qatygez, adamgershilikke jatpaıtyn nemese qadir-qasıetti qorlaıtyn qarym-qatynas túrleriniń aldyn alý máseleleri boıynsha ózgerister men tolyqtyrýlar engizý týraly» zań sheńberinde tergeýshiniń qalaýy boıynsha qysqasha hattama jasaýdy kózdeıtin zańnamalyq túzetý arqyly iske asyryldy.