QR ІІM qurama komandasynyń kapıtany 15-shi Búkilálemdik polıtseıler men órt sóndirýshiler oıyndarynyń saıysynda eki altyn enshiledi
ASTANA. 7 tamyz. QazAqparat - Keshe, seısenbi kúni QR ІІM qurama komandasynyń kapıtany Serik Nurǵalıev 15-shi Búkilálemdik polıtseıler men órt sóndirýshiler oıyndarynda eki altyn medal ıelendi.
Benchpress (syǵymdap kóterý) pen pýshpýllıftıng (kúshtik qossaıys) kúsh saıystarynda ol úzdik nátıje kórsetip, jeńimpaz atandy.
Eske sala ketsek, osyǵan deıin dzıýdo saıysynda 90 keli salmaqta synǵa túsken Shyǵys Qazaqstan oblysy ІІD qyzmetkeri Ashat Elýbaev jeńiske jetken bolatyn. Aqtyq synda ol rýmynııalyqpen beldesti.
Jarystyń alǵashqy kúnderi 100 keliden artyq salmaq dárejesinde Astana ІІD-nen Talǵat Qojabaev kúmis júldeni ıelense, OQO ІІD-nen Asqar Jandarov qola júldeger atandy.
