QR ІІM kórsetetin 44 memlekettik qyzmettiń 39-y avtomattandyryldy
«Іshki ister mınıstrligi búgingi tańda kóshi-qon, jol qozǵalysy, qarý men esirtki aınalymyna qarsy kúres, arhıvke qatysty memlekettik qyzmettiń 44 túrin kórsetedi. Jeke basty kýálandyratyn qujatty rásimdep, júrgizýshi kýáligin beredi, avtokólik quralyn tirkeıdi. Odan bólek mınıstrlik qarýdy rásimdeý, esirtki zattary men psıhotropty zattardyń lıtsenzııasy sekildi taǵy birqatar qujatqa jaýapty. Іshki ister mınıstrliginen jylyna 7-8 mıllıon adam kerekti qujatyn alady. Avtomattandyrýdyń, tsıfrlandyrýdiń arqasynda HQO arqyly azamattar bul qyzmetterdi ishki ister organdaryna júginbeı-aq alady», - dedi Sabyrjan Seıtjanov «ІІM kórsetetin memlekettik qyzmetterdi avtomattandyrý jáne tsıfrlandyrý» taqyrybynda ótken baspasóz máslıhatynda.
Máselen jyl basynan beri halyq kórsetiletin 7 mıllıon qyzmettiń 6,5 mıllıony HQO arqyly alǵan. Onyń ishinde eń kóp suranysqa ıe qyzmet túrlerine turǵylyqty jerge tirkelý (1 mln 569 myń), tólqujat pen jeke kýálik tapsyrý (1 mln 900 myń), turǵylyqty jerdegi tirkeýden shyǵarý (458 myń), júrgizýshi kýáligin tapsyrý (828 myń) jatady.
«Іshki ister mınıstrligi memlekettik qyzmetti kórsetý protsedýralaryn qysqartyp, ákimshilik kedergilerdi tómendetip, qyzmetkerlerdiń bul iske aralasýy men para alý yqtımaldyǵyn azaıtyp jatyr. Jyl basynan beri 9 memlekettik qyzmet avtomattandyryldy. Onyń 8-i qarý aınalymyna, 1-i qarýdy qylmystyq sıpatta zertteý salasyna qatysty. Búgin de avtomattandyrý deńgeıi 88,6 paıyzdy quraıdy. ıAǵnı barlyq44 qyzmettiń 39-y avtomattandyrylǵan», - dedi ol.