QR ІІM komandasy qoıan-qoltyq tóbelesten úzdik dep tanyldy (FOTO)
ASTANA. QazAqparat - QR Іshki ister mınıstrliginiń komandasy qoıan-qoltyq tóbelesten kúsh-qurylymdary komandalarynyń arasynda ótken jarysta Ulttyq ulan bas qolbasshysynyń kýbogyn ıelendi.
QR Ulttyq ulany dene shynyqtyrý jáne sport qyzmetiniń basshysy Janbolat Ahmetovtiń aıtýynsha, Qazaq handyǵynyń 550 jyldyǵyna arnalǵan týrnırge barlyǵy 20 qurama komanda qatysqan.
«Qazaqstannyń kúsh qurylymdarynan, qoıan-qoltyq jekpe-jekten oblystyq federatsııalardan barlyǵy 20 qurama, sondaı-aq Reseı men Qyrǵyzstannan bir-birden eki qurama komanda qatysty. Týrnır qorytyndysy boıynsha jalpy komandalyq esepte birinshi oryndy QR Іshki ister mınıstrliginiń komandasy, ekinshi oryndy Ulttyq qaýipsizdik komıtetiniń komandasy, úshinshi oryndy QR Ulttyq ulanynyń komandasy ıelendi», - deıdi J.Ahmetov.
Jalpy, týrnırdiń maqsaty - áskerı qyzmetkerler arasynda, sondaı-aq Kúsh qurylymdary qyzmetkerleriniń arasynda salaýatty ómir saltyn, buqaralyq sportty damytý máselelerin nasıhattaý.
