QR ІІM QAJK: 203 qyzmetker attestatsııany «qulatty», olar quqyq qorǵaý organdarynan shyǵarylady
ASTANA. 17 qyrkúıek. QazAqparat - QR Prezıdentiniń «QR quqyq qorǵaý organdary qyzmetkerlerin kezekten tys attestatsııadan ótkizý jónindegi»
Buıryǵyn iske asyrý aıasynda respýblıkanyń penıtentsıarlyq júıesinde atalmysh jumys aıaqtalý kezeńine jetti, dep habarlandy QR ІІM QAJK-niń baspasóz qyzmetinen.
Málim bolǵandaı, atalmysh sharanyń negizgi maqsaty attestatsııadan ótetin qyzmetkerdiń kásibıligin anyqtaý, sondaı-aq dene shynyqtyrý daıyndyǵy men qyzmettik, áskerı jáne bilim teorııasynyń deńgeıin aıqyndaý bolyp tabylady.
Búgingi kúni, 2012 jyldyń 17 qyrkúıeginde, óńirlik attestatsııalyq komıssııa qyzmetkermen ótkizgen áńgimelesý nátıjeleri boıynsha QAJ-niń 3 410 qyzmetkeri alyp otyrǵan qyzmetine laıyq degen sheshim qabyldandy. 11-i basqa qyzmetke aýystyrylýǵa usynyldy, 203 qyzmetker attestatsııadan ótpeı qaldy, olar quqyq qorǵaý organdarynan shyǵarylatyn bolady.
Attestatsııany ashyq ótkizý maqsatynda qoǵam, ardagerlik uıymdar men buqaralyq aqparat quraldarynyń ókilderi shaqyryldy, dep habarlandy QR ІІM QAJK-niń baspasóz qyzmetinen.
