QR ІІM: Qazaqstannyń 1200-den astam azamatyna halyqaralyq izdeý jarııalandy
ASTANA. QazAqparat - Qazaqstannyń 1200-den astam azamatyna halyqaralyq izdeý jarııalandy. Bul týraly QazAqparattyń resmı saýalyna jaýap bergen QR ІІM Memlekettik til jáne aqparat departamentiniń dırektory Almas Sádýbaev málim etti.
«Qazirgi ýaqytta halyqaralyq izdeýde júrgen 1200-den astam adam bar. 2013 jyl men 2016 jyldyń 7 aıy aralyǵynda Qazaqstan Respýblıkasynyń ishki ister organdary izdeý salǵan 646 adam izdep tabyldy. Onyń ishinde 400-ge jýyǵy Reseıde, 90-ǵa jýyǵy Ózbekstanda, 60-tan astam Qyrǵyzstanda, 20-sy Ázerbaıjanda ustaldy», - dedi A.Sádýbaev.
Sonymen qatar ol qazaqstandyq polıtseıler óz elinde qylmys jasap, qazaq elinde boı tasalap júrgen 1400-den astam sheteldik azamatty ustaǵandyǵyn atap ótti.
«Onyń ishinde 700-den astamy Reseıdiń, 500-den astamy Ózbekstannyń, 80-i Qyrǵyzstannyń azamaty jáne ázerbaıjandyqtar da bar», - dedi ol.
