QR ІІM: Qazaqstandaǵy saılaýaldy naýqany tynysh ótti
ASTANA. QazAqparat - Parlament Májilisi men jergilikti máslıhattar saılaýaldy naýqany tynysh, tártip buzý faktileri tirkelmesten ótti. Bul týraly búgin Ortalyq kommýnıkatsııalar qyzmetinde ótken brıfıng barysynda QR Іshki ister mınıstriniń birinshi orynbasary Marat Demeýov málim etti.
«Saılaýaldy naýqany qoldanystaǵy zańnama aıasynda tynysh jaǵdaıda ótti. Saılaý zańnamasy óreskel buzylǵan faktiler tirkelgen joq», - dep málim etti mınıstrdiń orynbasary.
Esterińizge sala keteıik, búgin Qazaqstan Respýblıkasynda Parlament Májilisiniń jáne barlyq deńgeıdegi máslıhattar saılaýy ótip jatyr. Qazaqstan men shet elderdi qosa alǵanda, barlyǵy 9840 saılaý ýchaskesinde tańǵy saǵat 07.00-den beri daýys berý júrip jatyr. Daýys berý keshki saǵat 20.00-de aıaqtalady.
Májilis saılaýyna depýtattyq oryndar úshin alty saıası partııa dodaǵa túsýde. Alty partııany qosqanda, QR Parlament Májilisi depýtattyǵyna úmitker retinde partııalyq tizim boıynsha 234 kandıdat usynylǵan.
