QR ІІM: Qazaqstanda jol ınfraqurylymyn damytý jumystary avtokólik sanynyń ósimi qarqynyna úlgere almaı jatyr
ASTANA. QazAqparat - Qazaqstanda jol ınfraqurylymyn damytý jumystary avtokólik sanynyń ósimi qarqynyna úlgere almaı jatyr. Bul týraly búgin Zańdylyqty, quqyqtyq tártipti jáne qylmysqa qarsy kúresti qamtamasyz etý jónindegi Úılestirý keńesiniń jınalysynda QR ІІM vıtse-mınıstri Erlan Turǵymbaev málim etti.
«Taldaý sharalaryna qaraǵanda, jol-kólik oqıǵalarynyń artýyna birqatar obektıvti jáne sýbektıvti sebepter áser etti. Onyń ishinde ásirese, elimizdegi avtoparktiń kúrt artýyna baılanysty bolyp otyr. Tek on jylda, ıaǵnı 2004 jyl men 2014 jyl aralyǵynda elimizdegi avtokólikter sany 2,5 esege ósip, búginde 4 mln. 200 myńdy qurady. Alaıda Astana men Almatyny esepke almaǵanda, 10 jylda bizdiń qalalardyń ınfraqurylymy ózgergen joq», - dedi mınıstrdiń orynbasary.
E.Turǵymbaevtyń sózine qaraǵanda, el óńirlerindegi qalalarda da kólik sanynyń artýynyń keri áserleri baıqalýda.
Osy oraıda ol bolashaqta kólik aǵymyndaǵy keıbir máseleler kúrdelene túsýi múmkin ekenin atap ótti.
