QR ІІM «Qaýipsiz jol» jedel-profılaktıkalyq is-sharasyn ótkizýde

dep habarlady Іshki ister mınıstrliginiń baspasóz qyzmetinen polkovnık Oleg Ivashenko.

Respýblıka joldarynda turaqty júretin avtokólikterdiń sany jyl saıyn ósip keledi. Kólik kóbeıgen saıyn qala kósheleri tarylyp, jol ahýaly kóptegen qıyndyqtar men apatty jaǵdaılardy týǵyzatyny sózsiz. Sondyqtan qalaaralyq joldardaǵy, qala kóshelerindegi qozǵalysty retteýge kóp kúsh jumsalady. Sonyń nátıjesinde, bıylǵy kórsetkishter ótken jyldyń osyndaı kezeńimen salystyrǵanda, birshama kemigen: jol-kólik oqıǵalar sany 5,0 paıyzǵa (-313), qaza tapqandar sany 1,7 paıyzǵa (-23) jáne jaraqat alǵandar sany 5,4 paıyzǵa (-395) azaıypty. Alaıda jol ınspektsııasy qyzmetkerleriniń aıtýynsha, apattyń negizgi kórsetkishteriniń azaıǵanyna qaramastan elimizdegi jol qaýipsizdigin qamtamasyz etý áli de qıyn bolyp tur.
Jol qozǵalysy erejeleri talaptarynyń saqtalýyna jol polıtsııasy tarapynan qadaǵalaýdy kúsheıtý - apattyń aldyn alýda óte tıimdi ádis ekendigin tájirıbe kórsetip otyr. Osyǵan baılanysty respýblıka joldaryndaǵy ahýaldy odan ári turaqtandyrý maqsatynda Іshki ister mınıstrligi tamyz aıynyń 9-15-i aralyǵynda jalpyrespýblıkalyq «Qaýipsiz jol» jedel-profılaktıkalyq is-sharasyn ótkizýde. Bul kúnderi respýblıkalyq jol boılarynda, qala kóshelerinde jol erejelerin buzýshylardy anyqtap, jaýapqa tartatyn jol polıtsııasy jasaqtarynyń sany kóbeıtiledi.

- «Sharanyń alǵashqy eki kúninde jol qaýipsizdik erejesin buzǵan 14 myńǵa jýyq júrgizýshi aıqyndaldy. Kólikti mas kúıde basqarǵany úshin 429 júrgizýshi ákimshilik jaýapkershilikke tartyldy, jyldamdyq tártibin asyrǵany úshin 3 myńǵa jýyq júrgizýshilerge, qarsy joldyń baǵytyna shyqqany úshin 227 júrgizýshige aıyppul salyndy. Sondaı-aq kólik quraldaryn tıisti qujattarsyz basqarýdyń 900-ge jýyq faktisi anyqtaldy. Jol qaýipsizdik erejesin buzǵan 477 jolaýshylar kóliginiń júrgizýshileri men 97 memlekettik kóliktiń júrgizýshileri ákimshilik jaýapqa tartyldy», - deıdi Oleg Ivashenko.

Іshki ister mınıstrligindegi Jol polıtsııasy komıteti jol qaýipsizdiginiń deńgeıin arttyrý maqsatynda kúndelikti qatań tártipte qyzmet atqarýdan bólek, aldyn alý sharalary turaqty túrde júrgiziledi. Qazir ótkizilip jatqan «Qaýipsiz jol» sharasy sııaqty «Qaýipsiz qala», «Quqyq tártibi», «Qaýipsiz jol», «Jaıaý júrginshi», «Avtobýs», «Іzdestirý» atty belgili bir baǵyttaǵy arnaıy sharalar únemi ótkizilip turady. Sondaı-aq balalar qaýipsizdigin qamtamasyz etýge baǵyttalǵan «Abaılańyz, balalar!», «Qozǵalystyń jas ınspektorlar sleti» atty keshendi is-sharalaryna jol polıtsııasynyń barlyq jeke quramy júz paıyzǵa jumyldyrylyp, qyzyǵýshylyq tanytatyn basqa da qoǵamdyq uıymdar men bilim berý departamenti qyzmetkerleri, sondaı-aq «Nur Otan» halyqtyq demokratııalyq partııasynyń, «Jas Otan» jastar qanatynyń ókilderi belsene tartylady. Bul - joldaǵy qaýipsizdikti qamtamasyz etýge jol polıtsııasymen qolǵa alynatyn, apattyń deńgeıin tómendetetin birden-bir yqpaly bar aldyn alý sharalary. Sonymen qosa, jol qozǵalysynyń barlyq qatysýshylaryna quqyqtyq áser etý maqsatynda buqaralyq aqparat quraldary ókilderi men qoǵamnyń tartylýymen aldyn alý jáne úgit-nasıhattyq jumystar da júrgiziledi