QR ІІM Іshki áskerleri «Ońtústik», «Ortalyq», «Batys» jáne «Shyǵys» óńirlik qolbasshylyqtarynyń basshylary taǵaıyndaldy

ASTANA. 15 mamyr. QazAqparat - QR ІІM Іshki áskerlerinde kadrlyq aýys-túıister jasaldy. Bul týraly vedomstvonyń baspasóz qyzmetinen habarlandy.

QR ishki ister mınıstriniń buıryǵymen 8 mamyr kúni Іshki áskerler bas qolbasshysynyń orynbasarlary, «Ońtústik», «Ortalyq», «Batys» jáne «Shyǵys» óńirlik qolbasshylyqtarynyń qolbasshylary men olardyń orynbasarlary taǵaıyndaldy. Óńirlik qolbasshylyqtardyń shtabtary Almaty, Qaraǵandy, Oral jáne Óskemen qalalarynda ornalasqan. Búgin atalmysh aımaqtardaǵy jeke quramǵa óńirlik qolbasshylyqtardyń basshylary tanystyryldy.

Atap aıtqanda, «Ońtústik» óńirlik qolbasshylyǵynyń qolbasshysy general-maıor Álibek Seralıev boldy. «Ortalyq» óńirlik qolbasshylyǵynyń qolbasshysy bolyp polkovnık Talapker Ámrıev, «Batys» óńirlik qolbasshylyǵynyń qolbasshysy bolyp polkovnık Qaırat Aqtanov, «Shyǵys» óńirlik qolbasshylyǵynyń qolbasshysy bolyp polkovnık Beıbit Ashqarov taǵaıyndaldy. Olardyń baǵyttar boıynsha orynbasarlary da tanystyryldy.

Zańnamaǵa sáıkes Іshki áskerlerdiń óńirlik qolbasshylyǵy áskerı basqarýdyń operatıvtik-aýmaqtyq organy bolyp tabylady. Ol óz qyzmetin belgili aýmaqta atqarady.