QR ІІM Іshki áskerler komıtetiniń aqparattyq-nasıhattyq toby men Án-bı ansambli Joldaý júktegen mindetterdi nasıhattaýdy bastady
ASTANA. 17 aqpan. QazAqparat - 2011 jyldyń 16 aqpanynda Almaty oblysynda Qazaqstan Respýblıkasy ІІM Іshki áskerler komıtetiniń aqparattyq-nasıhattyq toby men Án-bı ansambli Joldaý júktegen mindetterdi áskerı qyzmetkerler men óńir turǵyndaryna jetkizý men nasıhattaý baǵytyndaǵy óz jumysyn bastady.
Aqparattyq-nasıhat sharasy «Táýelsizdiktiń 20 jyldyǵyna arnalady...» degen taqyrypta áskerde ótkizilip jatqan aktsııa aıasynda júzege aspaq.
Atalmysh bastamaǵa sáıkes balalar úıleriniń tárbıelenýshilerimen kezdesýler ótkizý men qaıyrymdylyq sharalar uıymdastyrý kózdelgen. Shara Taldyqorǵan jáne Tekeli qalalaryn, Qyzylaǵash, Qarakemer, Zarechnyı, Shamalǵan, Qaskeleń eldi mekenderi men Almaty qalasyn qamtymaq.
Aqparattyq toptyń aımaqtaǵy jumysy «Bolashaqty birge jasaımyz» taqyrybyndaǵy búgingi dóńgelek ústelden bastaldy.
«Bıylǵy jyl respýblıka Táýelsizdiginiń 20 jyldyǵymen aıshyqtalady.Osyǵan baılanysty Memleket basshysy el mereıtoıynyń «Beıbitshilik pen jasampazdyqtyń 20 jyly» uranymen ótetinin atap kórsetti. Joldaý bizdiń basty jetistikterimiz - bostandyǵymyzdy, birligimizdi, turaqtylyǵymyz ben órkendeýimizdi qorǵaıtyn qujat, sondyqtan bizdiń maqsatymyz - Joldaýdyń negizgi erejeleri men alǵa qoıylǵan mindetterdi halyq arasynda, sonymen qatar jaýyngerler arasynda nasıhattaý jáne túsindirý bolyp tabylady», - dedi Іshki áskerler komıteti tárbıe jáne áleýmettik-quqyqtyq jumystar basqarmasynyń bastyǵy Muhametqalı Satov.
Dóńgelek ústel jumysyna oblys jáne qala ákimdigi, «Nur Otan» HDP, Qazaqstan halqy Assambleıasynyń ókilderi qatysty.
