QR ІІM Іshki áskeriniń Áskerı ınstıtýtynda rota qolbasshylary orynbasarlarynyń oqý-ádistemelik jıyny ótip jatyr
PETROPAVL. 24 tamyz. QazAqparat /Sergeı Kýznetsov/ - Seısenbi, 23 tamyz kúni QR ІІM Іshki áskeriniń Áskerı ınstıtýtynda Soltústik Qazaqstan jáne Qaraǵandy quramasy men Ásker ınstıtýttyń rota qolbasshylary orynbasarlarynyń úsh kúndik oqý-ádistemelik jıyny bastaldy.
Jas ofıtserler kásibı deńgeılerin joǵarylatý úshin lektsııalar tyńdap, tájirıbelik sabaqtarǵa qatysatyn bolady. Jıynǵa rota komandırleriniń 50-den astam orynbasarlary qatysyp jatyr, olar jańa bilim alyp, testileýden ótedi.
«Qazir tárbıeshi tárbıe berip qana qoımaı, ózi de dene shynyqtyrý turǵysynan daıyn bolýy kerek. Buryn biz lektsııalyq sabaqtardy kóp ótkizsek, qazir tájirıbege basa nazar aýdaramyz», - deıdi Áskerı ınstıtýt bastyǵynyń tárbıe jáne áleýmettik jumystar jónindegi orynbasarynyń qyzmetin atqarýshy, podpolkovnık Bolat Smaǵulov.
