QR ІІM-iniń kóliktiń qaýipsizdik beldigine qatysty talapty oryndaý boıynsha túsindirmesi
ASTANA. QazAqparat - QR Іshki ister mınıstrligi Kólik quralynyń qaýipsizdik beldikterine qatysty talaptardy qoldaný boıynsha túsindirme jasaıdy, dep habarlaıdy Ákimshilik polıtsııa komıteti.
Eger kólik quralynda qaýipsizdik beldikteri qarastyrylmasa, olardy, sondaı-aq balalardy ustaý qurylǵysyn nemese balany qaýipsizdik beldiginiń kómegimen otyrǵyzyp qoıýǵa múmkindik beretin ózge quraldardy paıdalaný mindetti shart bolyp tabylmaıdy.
Osylaısha, «Jol júrisi týraly» Zańnyń 54-baby 37) tarmaqshasyna, sondaı-aq Úkimettiń 2014 jylǵy 13 qarashadaǵy № 1196 qaýlysymen bekitilgen Jol júrisi qaǵıdalarynyń 22-bólimi 7-tarmaǵynyń 2 tarmaqshasyna sáıkes 12 jasqa deıingi balalardy olardy arnaıy ustaý qurylǵysy nemese balany qaýipsizdik beldiginiń kómegimen otyrǵyzyp qoıýǵa múmkindik beretin, kólikte kózdelgen ózge de quraldar bolmaǵan kezde, al mehanıkalyq kólik quralynyń aldyńǵy oryndyǵynda balalardy arnaıy ustaý qurylǵysy bolmaǵan kezde tasymaldaýǵa tyıym salynady.
Qaýipsizdik beldikterin paıdalanýǵa qatysty, Jol júrisi qaǵıdalaryna sáıkes kólik quralynyń júrgizýshisi qaýipsizdik beldikterimen jabdyqtalǵan kólik quralymen júrgen kezde beldikti taǵýǵa jáne beldik taqpaǵan jolaýshylardy tasymaldamaýǵa mindetti.
Sonymen qatar, jasaýshy zaýyt qaýipsizdik beldikterimen jabdyqtamaǵan kólik quraly ıesiniń erki boıynsha mundaı kólik quralyn jasaýshy zaýyttan usynymdy nemese aldyn ala tehnıkalyq saraptama qorytyndysyn alýdy eskere otyryp, qaýipsizdik beldikterimen jabdyqtaı alady.
