QR ІІM esirtkimen kúreste turǵyndardyń kómegine júginbek
«Endi árbir turǵyn eń aýyr áleýmettik problemalardyń biri - esirtki qylmysynyń aldyn alýǵa jáne oǵan qarsy kúreske óz úlesin qosa alady. WhatsApp messendjeriniń kómegimen azamattar esirtkige qatysty quqyqbuzýshylyq, esirtkiniń taralýy, esirtki quraldary týraly graffıtı jazý jáne betbelgilerdi ornalastyrý faktileri týraly foto jáne beınejazba túrinde málimetterdi 8 777 785 66 51 nómirine jiberýine bolady. Bul nómirge túsken aqparattardyń barlyǵy Esirtki qylmystaryna qarsy is-qımyl jónindegi departamenttiń kezekshi bólimine túsedi, sol boıynsha jedel sharalar qabyldanady», delingen habarlamada.
Baspasóz qyzmetiniń málimetinshe, graffıtı jazýlar (geolokatsııa) salynǵan jerdiń fotosýretin, belgili bir maqsatsyz aýlada, úılerdiń kireberisterinde júrgen kúdikti adamnyń beınelerin, jeńil aqsha tabý jáne taǵy sol sııaqty kúmándi usynystar jazylǵan hat almasýlardyń skrınshottaryn jiberýge bolady. Málimet berýshi anonımdi bolatyndyǵyna kepildik beriledi.
Shaǵymdanýshy ózine qatysty málimetterdi, baılanys telefondaryn jáne naqty mekenjaıyn kórsete otyryp, múmkindiginshe foto/beınejazbany qosa jiberýi kerek.
«Bul WhatsApp nómir Youtube vıdeohostınginde nashaqorlyqtyń aldyn alý, salaýatty ómir saltyn nasıhattaý, jastar arasynda nashaqorlyqtyń aldyn alý salasynda belsendi azamattyq ustanymdy qalyptastyrý, densaýlyqqa qundylyq qarym-qatynasty qalyptastyrý jáne nashaqorlyq problemasyna nazar aýdarý maqsatynda qurylǵan «Esirtkige – joq!» arnasynda kórsetilgen», delingen habarlamada.