QR ІІM Erlan Turǵymbaev óńirlerdegi polıtsııa departamentterinde boldy
Bul týraly Іshki ister mınıstrliginiń baspasóz qyzmeti ótkizgen onlaın brıfıngide aıtyldy, dep habarlaıdy QazAqparat tilshisi.
«Ótken aptada Іshki ister mınıstri Erlan Turǵymbaev Aqtóbe jáne Batys Qazaqstan oblystarynda jumys saparymen boldy. Ol óńirlerdegi polıtsııa departamentteriniń birqatar nysandaryn aralady. Sondaı-aq, adam kóp jınalatyn jáne qylmys kóp jasalatyn aımaqtarda ornatylǵan jańa modýldik statsıonarlyq polıtsııa beketterin qarap shyqty», - deıdi QR ІІM resmı ókili Nurdildá Oraz.
Onyń aıtýynsha, mınıstr polıtsııa narıadtarynda táýlik boıy qyzmet atqarý jáne azamattardy qabyldaý úshin qajettiniń bári bar ekenine kóz jetkizdi. Sonymen qatar, polıtsııanyń jańa ýchaskelik beketterinde boldy.
«Erlan Turǵymbaev «Ákimdiktermen birlesip ýchaskelik ınspektorlarǵa tıisti jaǵdaı jasap, ýchaskelik pýnktter jelisin keńeıte otyryp, biz azamattarymyzdyń qaýipsizdik deńgeıin arttyramyz. Mundaı jumysty biz barlyq óńirlerde júrgizetin bolamyz» dep atap ótti», - deıdi ol.