QR ІІM: Elimizde bir apta ishinde 3016 qylmys jasaldy

NUR-SULTAN. QazAqparat - Elimizde bir apta ishinde 3016 qylmys jasaldy, onyń 2001-i táýlik ishinde ashyldy. Bul týraly QR ishki ister mınıstrligi ótkizgen tikeleı efırde aıtyldy, dep habarlaıdy QazAqparat tilshisi.

«Polıtsııa qyzmetkerleri «izin sýytpaı» 14 kisi óltirý, 3 ólimge ákep soqqan densaýlyqqa qasaqana aýyr zııan keltirýdi, 1 qaraqshylyq, 33 tonaý jáne 463 bóten múlikti urlaý qylmystaryn ashty», - deıdi QR ІІM resmı ókili Nurdildá Oraz.

Eske sala ketsek, ótken aptada polıtsııa qyzmetkerleri «izin sýytpaı» kisi óltirýdiń - 8, ólimge ákep soqqan densaýlyqqa qasaqana aýyr zııan keltirýdiń -3, qaraqshylyqtyń - 3, tonaýdyń - 20 jáne bóten múlikti urlaýdyń - 488 faktisin ashqan bolatyn.