QR ІІM-de úzdik ýchaskelik ınspektor tańdaldy
Memleket basshysy azamattyq qoǵamnyń qajettilikterine baǵyttalǵan ishki organdardy reformalaýdyń mańyzdy kezeńi bolyp tabylatyn polıtsııa jumysynyń «qyzmettik úlgisine» kóshýdi tapsyrǵan bolatyn.
El Prezıdenti ýchaskelik polıtsııa ınspektorlaryn ulttyq servıstik qyzmet úlgisindegi basty tulǵa retinde belgiledi.
«Ýchaskelik ınspektor belgili bir saladaǵy quqyq buzýshylyqtyń aldyn alýdaǵy basty tulǵa», - dedi ol.
Prezıdent ýchaskelik polıtsııa qyzmetkerin jergilikti halyqtyń máselelerin sheshýge, qylmystyń tikeleı nemese janama túrde jolyn kesýge, azamattarymyzdyń ómir súrý sapasyn jaqsartýǵa shaqyratynyn basa aıtty. Búgingi tańda ýchaskelik polıtsııa ınspektorlary ishki ister organdary júıesindegi eń kóp fýnktsıonaldy qyzmet bolyp tabylady jáne halyqpen jeke baılanysta.
Ýchaskelik ınspektorlar qylmystyq is júrgizýdi júzege asyrýǵa, Ákimshilik quqyq buzýshylyqtardyń 50-den astam quramy boıynsha óz betinshe jaza qoldanýǵa quqyly. Olar quqyqtyq tártipti, jol qaýipsizdigin, kóshi-qon salasyndaǵy baqylaýdy, aýmaqtyń abattandyrylýyn, qorshaǵan ortany qorǵaýdy qamtamasyz etýdi, sottalǵan adamdardyń, otbasylyq tırandardyń jáne basqa da margınaldy elementterdiń ómir saltyn baqylaıdy.
Іshki ister mınıstrliginde jyldy qorytyndylaı kele, kásibı qasıetterin, dene daıyndyǵyn tekserý nátıjeleri, sondaı-aq turǵyndardyń pikiri boıynsha komıssııa tańdaǵan úzdik ýchaskelik polıtsııa ınspektorlarynyń keńesi ótti. Qorytyndy kezeńde úsh nomınatsııa boıynsha úzdik ýchaskelik polıtsııa ınspektory ataǵyna onlaın daýys berý ótkizildi.
Nur-Sultan qalasy Almaty aýdandyq ishki ister basqarmasynyń ýchaskelik ınspektory Ulan Júnisbekov «Respýblıkalyq mańyzy bar qalanyń úzdik ýchaskelik polıtsııa qyzmetkeri» atandy.
