QR ІІM basshysy jýrnalısterdiń quqyqtaryn múltiksiz saqtaý týraly nusqaý berdi
ASTANA. QazAqparat - Qazaqstan Respýblıkasy Іshki ister mınıstri Qalmuqanbet Qasymov jýrnalısterdiń quqyqtaryn múltiksiz saqtaý týraly nusqaý berdi, dep habarlady QR ІІM Memlekettik til jáne aqparat departamentiniń dırektory Almas Sádýbaev.
«Osy jyly 21 mamyrda polıtsııaǵa sanktsııalanbaǵan aktsııalardy uıymdastyrýshylar men oǵan belsendi qatysýshylar jetkizildi. Ókinishke oraı, olardyń ishinde buqaralyq aqparat quraldarynyń ókilderi de boldy. Keıinnen olar bosatyldy. QR Іshki ister mınıstri quqyqtyq tártip buzýshylyqtyń jolyn kesý kezindegi jol berilgen kemshilikter boıynsha májilis ótkizdi de, óz kásibı mindetterin oryndap júrgen jýrnalıster quqyqtaryn múltiksiz saqtaý týraly ІІD-ge nusqaý berdi», - dep habarlady A Sádýbaev.
Sonymen birge, A. Sádýbaev barlyq BAQ ókilderine úndeý tastady.
«Jýrnalıster aldymen kópshilik sharaǵa azamat retinde me, álde jýrnalıst retinde bara jatyr ma, sony anyqtaý qajet. Bul mańyzdy, sebebi kópshilik sharaǵa qatysýshy jýrnalıst pen qatysýshynyń quqyqtary ártúrli. Mysaly, jýrnalıst sanktsııalanbaǵan sharany da jarııalaýǵa quqyly. Al mıtıngini uıymdastyryp jáne oǵan qatysatyn bolsa, jazalanady. Jappaı aktsııany jarııalaıtyn jýrnalısterdiń qyzmettik kýáligi, beıdji, múmkindiginshe, baspasóz ókili ekenin rastaıtyn belgileri («Baspasóz», «BAQ» jazbalarymen jıletter, bas kıim) bolýy tıis», - dep sózin túıindedi A. Sádýbaev.
