QR ІІM áýejaılar men temir jol vokzaldarynda koronavırýsqa qarsy tekserýdi kúsheıtti

NUR-SULTAN. QazAqparat – QR ​Іshki ister mınıstrligi Memleket basshysynyń tapsyrmasy boıynsha PTsR anyqtamalaryn jáne vaktsınatsııa pasporttaryn qoldan jasaý jáne paıdalaný faktilerin anyqtaý jáne jolyn kesý boıynsha barlyq sharalar qabyldaýda, - dep habarlaıdy Polisia.kz.​

Jyl basynan beri ishki ister organdary jalǵan PTsR-testterin satý jáne paıdalaný boıynsha 45 qylmystyq is jáne vaktsınatsııa pasporttaryn satý jáne paıdalaný boıynsha 35 qylmystyq is qozǵady.​

Elimizdiń áýejaılary men temir jol vokzaldarynda azamattardyń kovıd-mártebesin «Ashyq» qosymshasy arqyly tekserý, sonymen qatar PTsR-testterdiń jáne vaktsınatsııa pasporttarynyń shynaıylyǵyna tekserý kúsheıtildi.​

Kóliktegi polıtsııa departamentiniń bastyǵy Ońal Bekeevtiń aıtýynsha, Almaty qalasyndaǵy halyqaralyq áýejaıda kólik polıtseıleri áýejaı qyzmetkerlerimen birlesip, Túrkııa memleketine demalýǵa ushyp barýdy josparlap, PTsR-anyqtamalardy jáne bıletterdi beıtanys adamnan satyp alǵan jigit pen qyzdy anyqtady.

Sondaı-aq ol jalǵan PTsR-test anyqtamasyn paıdalana otyryp, Belarýs Respýblıkasyna ushpaq bolǵan Shymkent qalasynyń turǵynynyń ustalǵandyǵy týraly faktini de aıtty.

– Olar ushaqqa jiberilgen joq. Osy atalǵan faktiler boıynsha Qazaqstan Respýlıkasy Qylmystyq kodeksi 385-babynyń 3-bóligimen (Kórneý jalǵan qujatty paıdalaný) boıynsha sotqa deıingi tergep-tekserý bastaldy, – dedi O. Bekeev.

ІІM jalǵan qujat daıyndaǵandary úshin tórt jylǵa deıngi bas bostandyǵynan aıyrý túrindegi qylmystyq jaýapkershilik kózdelgenin jáne ony paıdalanǵandar úshin 40 táýlikke deıin qamaqqa alý túrindegi jaza kózdelgenin eskertedi.