QR ІІM: Atyshýly vıdeodaǵy polıtseı qyzmetine oralmaıdy

ASTANA. QazAqparat - QR Іshki ister mınıstriniń birinshi orynbasary Janat Súleımenov jurtshylyq narazylyǵyn týdyrǵan vıdeony túsirgen polıtseıge qatysty pikir bildirdi, dep habarlaıdy QazAqparat.

«Ózderińiz bilesizder, QR ІІM Qaraǵandy akademııasy qyzmetkeriniń Jańa jylǵa oraı joldaǵan quttyqtaýy áleýmettik jelide tarap ketti. Atalǵan fakti boıynsha QR ІІM Ózindik qaýipsizdik departamenti qyzmettik tekserý júrgizip, birinshi kýrs basshysynyń orynbasary ishki ister organdarynan bosatyldy. Aldaǵy ýaqytta bul fakti onyń ishki ister organdaryna qyzmetke oralýyna jol bermeıdi», - dedi ol Ortalyq kommýnıkatsııalar qyzmetindegi baspasóz máslıhatynda.

Budan buryn habarlanǵandaı, «Bandamyz» dep vıdeorolık joldaǵan polıtsııa sheneýnigi qyzmetinen qýyldy

Esterińizge sala ketsek, áleýmettik jelide polıtsııa kıimindegi qyzmetkerdiń quttyqtaýy tarady.

Polıtsııa qyzmetkeri quttyqtaý sózinde qylmys áleminiń adamdary jıi paıdalanatyn sózderdi aıtqany úshin jurtshylyqtyń synyna ushyrady. Osyǵan baılanysty QR ІІM Іshki jáne syrtqy kommýnıkatsııalar departamentiniń dırektory Almas Sadýbaev buǵan deıin túsinik bergen bolatyn.