QR ІІM Arystanbek Muhamedıulynyń «sýıtsıd áreketine» qatysty málimet berdi

NUR-SULTAN. QazAqparat – QR Іshki ister mınıstrligi Qylmystyq-atqarý júıesi komıtetiniń baspasóz qyzmeti Ulttyq mýzeıdiń eks-dırektory Arystanbek Muhamedıulynyń sýıtsıd jasamaq bolǵany týraly aqparatqa túsinik berdi, dep habarlaıdy QazAqparat tilshisi.

Áleýmettik jeli men keıbir aqparat quraldarynda Ulttyq mýzeıdiń eks-dırektory, oǵan deıin Mádenıet jáne sport mınıstrligin basqarǵan Arystanbek Muhamedıulynyń qamaýda óz-ózine qol salmaq bolǵany týraly aqparat tarady. Qylmystyq-atqarý júıesi komıtetiniń baspasóz qyzmeti ol aqparatta jańsaqtyq bar ekenin málim etti.

«Arystanbek Muhamedıuly sýıtsıd jasamaq boldy. Biraq bul 2022 jyldyń mamyr aıynda, eks-dırektor ýaqytsha ustaý ızolıatorynda bolǵan kezde oryn alǵan», - deıdi komıtettiń baspasóz qyzmetindegiler.

Eske salsaq, 29 mamyrda Sybaılas jemqorlyqqa qarsy is-qımyl agenttigi sot sanktsııasymen Ulttyq mýzeı dırektory Arystanbek Muhamedıulyna qatysty «kúzetpen ustaý» bultartpaý sharasy tańdalǵanyn málim etken edi.

Al 26 tamyzda atalǵan tulǵanyń mınıstr kezindegi týystaryna qatysty áreketteri tergelip jatqany aıtyldy.