QR ІІM: Apta ishinde 5360 qylmys jasaldy
ASTANA. 10 mamyr. QazAqparat - Ótken apta ishinde el aýmaǵynda 5360 qylmys oryn aldy.
Bul týraly búgin QR Іshki ister mınıstrliginde ótken brıfıng barysynda vedomstvo baspasóz qyzmetiniń jetekshisi Nurdildá Oraz málim etti.
«Apta ishinde 5360 qylmys jasaldy. Onyń ishinde «izi sýymaı» 2365-i ashyldy. Buryn jasalǵan 639 qylmys qosa ashyldy», - deıdi N. Oraz.
Onyń aıtýynsha, atalǵan kezeńde 80 qylmysker izdestirilip, tabyldy, 4 qarý tárkilendi. 81 esirtki qylmysy, onyń ishinde esirtkini satýdyń 23 faktisi anyqtalyp, 4 keli esirtki zaty tárkilendi.
