QR ІІM: Almatydaǵy bankke jasalǵan shabýylǵa radıkaldardyń qatysy joq
ASTANA.QazAqparat - Almatydaǵy banke jasalǵan shabýylǵa radıkaldardyń qatysy joq. Bul týraly búgin Úkimet otyrysynan keıin BAQ ókilderine Іshki ister mınıstri QalmuhanbetQasymov málim etti, dep habarlaıdy.
BAQ ókilderi mınıstrden Almatydaǵy bankke jasalǵan shabýylǵa dinı radıkaldardyń qatysy barma, dep suraǵan edi.
«Joq, ázirshe biz mundaı baılanysty baıqamadyq. Bul kádimgi qaraqshylyq. Olar, qylmysker banktyń jumys táribin tyńǵylyqty zerdelegen. Muny banktiń ózi anyqtaıtyn bolady. Ol - «Tsentrkredıt» banki. Tańerteń erte ol jerge aqsha ákelgen. Kúzetshi aqshany tapsyryp, qol qoıǵannan keıin dárethanaǵa ketken. Sol kezde eki qylmysker basyp kirip, onymen birge aqsha urlaý maqsatynda bankke enbek bolǵan. Kúzetshi óziniń travmatıkalyq qarýyn qoldanyp úlgermegen, atpaǵan. Olar onyń qarýyn tartyp alǵan. Dál sol kezde basqa qyzmetkerler kelgennen keıin qylmyskerler qashyp ketken. Qazir qylmyskerlerdi izdeý jumystary júrgizilip jatyr. Bul qaraqshylyq shabýyl», - dedi ol.
Aıta keteıik, búgin 08 saǵat 10 mınýtta Almaty ІІD Jedel basqarma ortalyǵyna Almaly aýdanyndaǵy «Tsentrkredıt» bank bólimsheleriniń biriniń kúzetshisine shabýyl jasalǵany týraly habarlama kelip tústi. Belgisiz eki adam onyń qarýyn tartyp alǵan. Qazirgi ýaqytta qala boıynsha «Sırena» arnaıy jospary jarııalandy. Qylmyskerlerdi izdeýge jáne ustaýǵa baǵyttalǵan jedel sharalar kesheni júrgizilip jatyr.
