QR ІІM Aqtóbede kóz jumǵandardy anyqtaýǵa qatysty kómek surady
ASTANA. QazAqparat - QR Іshki ister mınıstrligi avtobýs órtinen qaza bolǵandardyń esimderin anyqtaýǵa qatysty kómek surady, dep habarlaıdy Qazaqparat.
Budan buryn habarlanǵandaı, Samara-Shymkent tasjolynyń Aqtóbe oblysy aýmaǵynda avtobýs órtenip, 52 adam qaza boldy. Ózbekstannyń Tótenshe jaǵdaılar jónindegi mınıstrligi Qazaqstannyń Aqtóbe oblysy Yrǵyz aýdany aýmaǵynda qaza bolǵan ózbekstandyqtardyń aldyn ala tizimin jarııalady. Jalpy osy tizimde qaza bolǵan 29 adamnyń esimderi anyqtalǵan.
Olardyń barlyǵy Ózbekstannyń Namangan oblysy turǵyndary.
«Qazaǵa ushyraǵandardyń máıitterin anyqtaýǵa baılanysty qıyndyqtardyń týyndaýyn eskere otyryp, 2018 jyldyń 12-13 qańtarynda Qazaqstan arqyly RF-tiń Qazan qalasyna baǵyt alǵan Ózbekstan azamattary jaıynda tıisti aqparat bolsa QR Іshki ister mınıstrligine nemese Ózbekstannyń TJM-ine habarlaýdy suraımyz», - dedi QR ІІM Memlekettik til jáne aqparat departamentiniń dırektory Almas Sadýbaev.
Sondaı-aq, aqparatta saparǵa shyqqandardyń uıaly telefonynyń nómirin, sonymen qatar kez kelgen qosymsha derekterdi atap kórsetý suralyp otyr. Bul rette qaza bolǵandardyń erekshe belgileri, tólqujat nómiri men onyń kóshirmesi, fotosýretteri jáne basqa da málimetterine suraý salyndy.
