QR ІІM: Aqsha bopsalaý maqsatynda Astanada adam urlaǵan kúdikti ustaldy
ASTANA. 14 naýryz. QazAqparat - Aqsha bopsalaý maqsatynda adam urlaǵan degen kúdikpen Qaraǵandynyń azamaty ustaldy.
Bul týraly búgin Astanada ótken brıfıngte Іshki ister mınıstrliginiń resmı ókili Nurdildá Oraz málim etti.
«Elordanyń jedel qyzmetkerleri iri kólemde aqsha bopsalaý maqsatynda adam urlaǵan degen kúdikpen izdeýde júrgen Qaraǵandy qalasynyń 37 jastaǵy turǵynyn ustady. Ótken jylǵy aqpan aıynyń ortasynda kúdikti óziniń sybaılasymen aldyn ala kelisip, kıim tigý atelesiniń 46 jastaǵy ıesin urlap, ony Astana qalasynyń sol jaǵalaýynda jalǵa alynǵan páterge alyp barǵan. Olar jábirlenýshige kúsh kórsetip, 50 myń AQSh dollaryn berýdi talap etken»,-dedi N. Orza.
Resmı ókildiń aıtýynsha, jábirlenýshi óziniń tanysynan qajetti aqshany ákelip berýdi ótingen. Kúdiktiniń bireýi aqsha berý ústinde ustalyp, qazirgi ýaqytta ol sottaldy. Onyń sybaılasy ótken aptada Qaraǵandy qalasynda qolǵa tústi.
