QR ІІM ákimshilik tutqyndaǵy azamattyń ólimine qatysty túsinik berdi
ASTANA. QazAqparat - QR Іshki ister mınıstrligi Jezqazǵan qalalyq Іshki ister basqarmasynyń qabyldaý-taratý kamerasynda ákimshilik tutqynǵa alynǵan adamnyń ólimine qatysty túsinik berdi, dep habarlaıdy QazAqparat tilshisi.
QR ІІM resmı ókili Almas Sadýbaevtyń aıtýynsha, ol sot qaýlysymen jazasyn ótep jatqan. Ólikti soıý aktisine sáıkes onyń ólimine júrektiń ótkir tynys jetkiliksizdigi, eki jaqty krýpozdyq pnevmonııa sebep bolǵan.
«Qamaý jáne qabyldaý-taratý ornynda ustaý barysynda densaýlyǵyna shaǵymdanbaǵan. Buǵan qosa, qamaýǵa alý barysynda feldsherden tekserýden ótken. Feldsherdiń sózine qaraǵanda, qaza tapqan azamat ózin jaısyz sezinetindigine shaǵymdanǵan. Jáne de mundaı hal-jaǵdaı ishimdik ishkennen keıin jıi bolatyndyǵyn jáne 2-3 kúnnen keıin ózdigenen ketetinin, sozylmaly aýrýlary joqtyǵyn aıtqan», - dedi resmı ókil.
Sonymen qatar onyń sózine qaraǵanda, qaıtys bolǵan adam maskúnem retinde narkologııalyq dıspenserde esepte turǵan.
«Feldsher teksergennen keıin «bas jazý sındromy» dep dıagnoz qoıǵan. Korvalol, aspırın dárilerin qabyldaý belgilengen. Degenmen, barlyq mán-jaıdy anyqtaý úshin qyzmettik tekserý júrgiziledi», - dedi Almas Sadýbaev.
