QR ІІM Ákimshilik polıtsııasy kóliktiń memlekettik tirkeý nómirlerin satyp jrgen alaıaqtardan saq bolýǵa shaqyrady
ASTANA. QazAqparat - Internet-jelilerde jeke tulǵalardyń memlekettik tirkeý nómirlik belgilerin (budan ári - MTNB) satýy jóninde habarlamalardyń jıi oryn alýyna baılanysty ІІM-niń Ákimshilik polıtsııa komıteti mynany habarlaıdy, delingen vedomstvo taratqan baspasóz baıanynda.
Qoldanystaǵy zańnamaǵa baılanysty kólik quralyn memlekettik tirkeý jáne MTNB berý tek ishki ister organdarynyń quzyretine kiredi.
«Jol júrisi týraly» Zańnyń 1-babynyń 37-tarmaǵyna sáıkes, memlekettik tirkeý nómirlik belgisi - memleket menshigi bolyp tabylatyn jáne mehanıkalyq kólik quralyna beriletin derbes áriptik-tsıfrlyq belgiden turatyn jáne ulttyq standart talaptaryna sáıkes jasalǵan ónim. Bul uǵym «Tranzıt» nómirlik belgilerine de qoldanylady.
Kólik quralynyń menshik quqyǵyn jańa ıesine berý kezinde MTNB-ny qaıyrymdylyq jolymen jáne qaıta tapsyrýǵa jatpaıdy.
Sonymen qatar, qazirgi tańda joǵary suranystaǵy MTNB-nyń satylýy jóninde belgisiz tulǵalar ınternet jelilerinde túrli jarnamalar jasap júr.
Belgisiz tulǵalar, óz habarlandyrýlarynda, kóbinese, qazirgi ýaqytta qoldanysqa berilgen jáne kólik quraldarynyń jańa ıelerine qaıta taǵaıyndalýy múmkin emes nemese múldem joq MTNB-ny kórsetedi. Mysaly, Qazaqstan Respýblıkasynda MTNB daıyndaý barysynda Q, I, G jáne J áripteri qoldanylmaıdy.
Osylaısha, mundaı is-áreketterden onlaın alaıaqtyqtyq belgilerin kórýge bolady.
Osyǵan oraı, ІІM ÁPK azamattardy alaıaqtardyń mundaı is-áreketterinen saq bolýǵa shaqyrady.
ІІM Ákimshilik polıtsııa komıtetiniń habarlaýynsha, komıtet Ózindik qaýipsizdik departamentimen birlesip, MTNB berý tártibin qatań baqylaýǵa baǵyttalǵan is-sharalar júrgizedi.
