QR ІІM ákimdikterge jaǵdaıy nashar otbasylardyń jeke tizimin júrgizýdi usyndy
ASTANA. QazAqparat - QR Іshki ister mınıstrligi ákimdikterge otbasylyq jaǵdaıy nashar balalarǵa qatysty medıtsınalyq-áleýmettik tirkeý júrgizýdi usyndy. Bul jaıynda Májiliste «Qazaqstan Respýblıkasynyń keıbir zańnamalyq aktilerine balanyń quqyqtaryn qorǵaý jónindegi fýnktsııalardy júzege asyratyn uıymdardyń máseleleri boıynsha ózgerister men tolyqtyrýlar engizý týraly» zań jobasy boıynsha jumys tobynyń otyrysynda QR ІІM Ákimshilik polıtsııa komıtetiniń basqarma basshysy Alekseı Mılıýk málim etti, dep habarlaıdy QazAqparat.
«Aldyn alý áreketine negizdelgen tetikter kóbinese jazalaýshy sıpatqa ıe bolyp otyr. Jyl saıyn óz mindetterine durys qaramaǵan 5 myńǵa jýyq ata-ana ákimshilik jaýapkershilikke tartylady, al myńy ata-ana quqyǵynan aıyrylady. Aǵymdaǵy jyly 4 myńǵa jýyq ata-ana ákimshilik jazamen qamtylsa, polıtsııanyń qoldaýhatymen 700-ge tarta ata-ana quqyǵynan aırylyp otyr. Ókinishke qaraı, osyndaı qadamdar tek áleýmettik jalǵyzdyq deńgeıin arttyra túsedi jáne balalardyń jaǵdaıyn qıyndatady. Sonymen qatar kámeletke tolmaǵandardyń qylmysqa barýyna áleýmettik faktorlar yqpal etedi, ıaǵnı otbasyndaǵy qolaısyz jaǵdaılar, materıaldyq problemalar men ómirdegi ózge de qıyndyqtar sebep bolady. Osyǵan baılanysty kámeletke tolmaǵandardyń arasynda quqyq buzýshylyqtyń aldyn alý men olardyń quqyǵyn qorǵaýda qoldanystaǵy qadamdardy qaıta qarastyrýdyń ýaqyty jetti», - dedi A. Mılıýk.
Onyń sózine qaraǵanda, medıtsınalyq-áleýmettik tirkeý túrinde jekeleı profılaktıkanyń jańa sharasyn engizý usynylyp otyr. ıAǵnı polıtsııanyń tirkeýimen qatar, jergilikti atqarý organdary da áleýmettik problemalardy sheshý úshin medıtsınalyq-áleýmettik esepke alý sharalaryn júrgizýi tıis. Bul turǵyda polıtsııanyń qatysýynsyz maskúnemdikten emdeý, turmystyq máselelerge qatysty jumystar eskerilgen jón. Óz kezeginde polıtsııa da óziniń aldyn alý jumystaryn jalǵastyrady. Osy keshendi qadam iske qosylýy úshin zańnamaǵa tıisti túzetýler engizý kerek bolyp tur.
Belgili bolǵandaı, jyl saıyn ishki ister organdaryna quqyq buzýshylyqtar men qaraýsyz júrgen 100 myńǵa jýyq kámeletke tolmaǵan balalar jetkiziledi. Olardyń ishinde jartysynan astamy túngi ýaqytta oıyn-saýyq oryndarynda nemese turǵyn úıden alshaq jerlerde júrgeni úshin nazarǵa iligedi.
Ótken jyly kámeletke tolmaǵandardy beıimdeý ortalyqtaryna 7,5 myń bala ornalastyryldy, sonyń arasynda qaraýsyz ári panasyz bolǵan 6 myń bala baıqaldy.
