QR ІІM «Adam saýdasyn toqtataıyq!» aktsııasyn ótkizedi
«Qazaqstan Respýblıkasy Іshki ister mınıstrligi «Adam saýdasyn toqtataıyq!» aktsııasyn Halyqaralyq kóshi-qon uıymynyń qoldaýymen «Qazaqstandaǵy daǵdarys ortalyqtary odaǵy» zańdy tulǵalar uıymymen birlesip, 2011 jylǵy 23 tamyzda ótkizedi. Aktsııanyń negizgi maqsaty - adam saýdasy problemalaryna jurtshylyqtyń nazaryn aýdarý bolyp tabylady», - delingen habarlamada.
Іs-sharanyń aıasynda 23 tamyz kúni Іshki ister mınıstrligi, «Qazaqstandaǵy daǵdarys ortalyqtary odaǵy» zańdy tulǵalar uıymy, Halyqaralyq kóshi-qon uıymy jáne BUU-nyń Balalar qory (ıÝNISEF) ókilderiniń qatysýymen baspasóz konferentsııasyn jáne Astana qalasynyń Ortalyq qalalyq saıabaǵynda saǵat 16-00-den 18-00-ge deıin aqparattyq naýqan kózdelgen.
Іshki ister mınıstrligi adam saýdasy faktilerin jáne oǵan ilese júretin qylmystardy anyqtaý, eskertý jáne jolyn kesý maqsatynda belgili bir jumystardy udaıy negizde júrgizedi. Aǵymdaǵy jyly ishki ister organdary 203 qylmysty anyqtady. Onyń ishinde adam saýdasy boıynsha - 22, kámeletke tolmaǵandardy saýdaǵa salý boıynsha - 14, paıdalaný maqsatynda adam urlaý - 20, paıdalaný maqsatynda bas bostandyǵynan zańsyz aıyrý boıynsha - 10, jezókshelikpen aınalysýǵa tartý boıynsha - 15, jezókshelikpen aınalysý úshin jeńgetaılyq prıtondar uıymdastyrý jáne ustaý, jeńgetaılyq boıynsha - 122 qylmystyq is qozǵady.
Aǵymdaǵy jyldyń basynan bastap adam saýdasyna qarsy kúres jónindegi «116 16» senim telefonyna 600 qońyraý kelip tústi. Rastalǵan faktiler boıynsha qylmystyq ister qozǵaldy.
Búgingi tańda adam saýdasy búkil álemde keń etek alyp, qazirgi kóshi-qon problemalarymen tyǵyz baılanysty bolyp otyr. Bul álemdik qoǵamdastyqtyń alańdaýshylyǵyn týǵyzyp, osy keleńsiz kóriniske qarsy is-qımyl jasaý úshin birlese shuǵyl, sheshýshi jáne jan-jaqty áreketti qajet etedi.
1791 jylǵy 23 tamyzda quldar kóterilisi bolyp, qul ıelený júıesiniń joıylý protsesine bastaý berdi. ıÝNESKO-nyń (BUU-nyń bilim, ǵylym jáne mádenıet máseleleri jónindegi uıymy) atqarýshy keńesiniń usynysy boıynsha osy oqıǵany máńgilik este qaldyrý maqsatynda BUU-ǵa múshe memleketterge jyl saıyn 23 tamyzdy Halyqaralyq qul saýdasynyń qurbandaryn eske alý jáne ony joıý kúni retinde atap ótý usynylǵan.
