QR ІІM 70 myńǵa jýyq qyzmetkeri polıtsııa kúnine oraı óz attaryna quttyqtaýlar qabyldap jatyr

dep habarlaıdy QR ІІM baspasóz qyzmeti.

9 jyl buryn qabyldanǵan «Qazaqstan Respýblıkasynyń ishki ister organdary týraly» Zańy elimizdiń polıtsııa qyzmetkerleriniń quqyqtyq mártebesin, uıymdyq qurylymyn rettep, nátıjesinde onyń qoǵam men memlekettegi orny men rólin aıqyndap berdi.

Іshki ister organdarynyń qyzmetkerleri buny halyq aldyndaǵy jaýapkershiliktiń jańa deńgeıi, quqyq qorǵaý saqshylarynyń memleketke sińirgen eńbegin baǵalaý dep qabyldady. Bul óz qyzmetine adal bolyp, qoǵamnyń senimine ıe bolǵan bizdiń ardagerlerimizge degen qurmet kórsetý bolyp tabylady. Bul osynaý beıbit ómirde qazaqstandyqtardyń tynyshtyǵy men qaýipsizdigi úshin óz ómirlerin qurban etken polıtsııa qyzmetkerlerine degen estelik ispettes.

Búgingi tańda Іshki ister mınıstrligi - 70 myńǵa jýyq qyzmetkeri bar elimizdiń eń iri jáne kópqurylymdy memlekettik organy. Polıtsııa qyzmetkerleri táýlik boıy, tabıǵattyń kez-kelgen qolaısyzdyqtaryna qaramastan quqyqtyq tártipti saqtap, azamattardy quqyqqa qarsy qol suǵýshylyqtan qorǵap keledi.

Osy jyldar ishinde qyzmettik boryshyn oryndaý kezinde kórsetken adal qyzmeti, erligi jáne qaısarlyǵy úshin 810 polıtseı memlekettik nagradalarmen, onyń ishinde 77-i - qaıtys bolǵannan keıin marapattaldy.

Búgin «Otan-Ana» monýmentine gúltájin qoıý rásimi ótti. Ol rásimge ІІM ortalyq apparatynyń qyzmetkerleri men ishki ister organdarynyń ardagerleri qatysty.

Qurmetti qaraýyl rotasy saltanatty marshpen júrip ótip, qatysýshylar qyzmettik mindetterin atqarý kezinde qaza tapqandardyń qurmetine mınóttik únsizdikpen eske aldy.

Saltanatty jınalysta Іshki ister mınıstri Qalmuhanbet Qasymov qyzmettik mindetterin oryndaý barysynda erekshe kózge túsken qyzmetkerlerge vedomstvolyq nagradalar tapsyrdy. Saltanatty is-shara merekelik kontsertpen aıaqtaldy.

Іshki ister organdarynyń aımaqtyq bólinisterinde de qazaqstandyq polıtsııa kúnine arnalǵan saltanatty is-sharalar ótkizildi.