QR IIDM jańa jylytý maýsymyna daıyndalýda
NUR-SULTAN. QazAqparat - Qazaqstan Respýblıkasy Indýstrııa jáne ınfraqurylymdyq damý mınıstrliginde aldaǵy jylytý maýsymyna daıyndyq jáne kommýnaldyq-turmystyq sektor men turǵyndardy kómirmen qamtamasyz etý boıynsha selektorlyq keńes ótti. Bul týraly vedomstvonyń baspasóz qyzmeti habarlaıdy.
Keńes ulttyq ekonomıka mınıstrliginiń, oblystar, Nur-Sultan, Almaty jáne Shymkent qalalary ákimdikteriniń, «Qazaqstan temir joly» UK» AQ jáne «TKMÓQ» ZTB ókilderiniń qatysýymen QR IIDM vıtse-mınıstri Amanııaz Erjanovtyń tóraǵalyǵymen ótti.
Ákimdikterge kommýnaldyq-turmystyq kásiporyndar jáne halyqqa kómir daıyndaý; kómir tapshylyǵyn boldyrmaý úshin óńirlerde kómir jetkizýshilermen ózara is-qımyl jasaý boıynsha; kommýnaldyq-turmystyq qajettilikter men halyq úshin kómirdi jetkizýge monıtorıng júrgizý jáne apta saıynǵy negizde QR IIDM aqparat jiberý; kómirdiń bar bolýy jáne satý núkteleri týraly habarlaý úshin jedel jeli qurý boıynsha; durys emes aqparatty taratýǵa jol bermeý boıynsha BAQ jáne áleýmettik jelilerde túsindirý jumystaryn júrgizý týraly; kómirdiń zańsyz qymbattaýyn boldyrmaý úshin monopolııaǵa qarsy vedomstvonyń aýmaqtyq bólimshelerin tartý boıynsha jumystardy jalǵastyrý usynyldy.
