QR IIDM qyzmetkerleri arasynda shańǵy tebýden jarys ótti
NÚR-SULTAN. QazAqparat - QR Indýstrııa jáne ınfraqurylymdyq damý mınıstrliginiń qyzmetkerleri arasynda shańǵy tebýden jarys uıymdastyryldy. Іs-sharaǵa vedomstvo basshysy Qaıyrbek Óskenbaev qatysty, dep habarlaıdy QazAqparat.
Saıys qorytyndysy boıynsha qyzdar arasynda júldeli ІІІ oryndy Avtomobıl joldary komıtetiniń bas sarapshysy Qabdesheva Bıbıgúl ıelense, ІІ orynda Avtomobıl joldary komıtetiniń is qaǵazdaryn júrgizý ınspektory Bólekbaeva Áıgerim turaqtady. Indýstrııalyq damý komıtetiniń bas sarapshysy Topanova Móldir máre syzyǵyna alǵashqy bolyp kelip, bas júldege ıe boldy. 
Al erler arasynda Qurylys jáne turǵyn úı-kommýnaldyq sharýashylyq isteri komıtetiniń sarapshysy Nasyr Álisher men Azamattyq avıatsııa komıtetiniń bas sarapshysy Klımov Erbol ІІІ jáne ІІ oryndardy mise tutsa, Avtomobıl joldary komıtetiniń qyzmetkeri Azatuly Ardaq máre syzyǵyn birinshi bolyp kesip, jeńis tuǵyrynan kórindi. 
«Mundaı sporttyq jarystar ujymnyń uıymshyldyǵyn arttyryp, qyzmetkerlerimizdiń densaýlyǵyn nyǵaıtýǵa baǵyttalǵan mańyzdy shara bolyp tabylady. «Shynyqsań, shymyr bolarsyń» demekshi, salaýatty ómir saltyn serik etýimiz qajet», — dedi mınıstr óz sózinde.
