QR IIDM halyqaralyq júk tasymalyndaǵy ózekti máselelerdi baqylaýda ustaıdy
Qazirgi ýaqytta QR Indýstrııa jáne ınfraqurylymdyq damý mınıstrligi «QTJ» UK« AQ-men birlesip, Antverpen, Gambýrg, Pırıneı, Rotterdam jáne Mýgga tranzıttik porttary qabyldaýdan bas tartqan, Reseı kemelerimen Sankt-Peterbýrg jáne Novorossıısk qalalarynyń porttary arqyly júkterdi tasymaldaý kezinde týyndaǵan problemalardy sheshý úshin sharalar qabyldanyp jatyr.
Atap aıtqanda, QR IIDM Reseı aýmaǵynda ornalasqan júkterdi Latvııanyń Rıga jáne Venstpıls porttaryna qaıta baǵdarlaý múmkindigin pysyqtap jatyr. Osy másele boıynsha Latvııanyń Kólik mınıstrligimen jáne teńiz porttary ákimshilikterimen keńes ótkizý josparlanýda.
Sondaı-aq, otandyq eksporttaýshylarǵa balama retinde Aqtaý jáne Quryq porttary arqyly jáne odan ári Transkaspıı halyqaralyq kólik baǵytyn (THKB) paıdalaný usynyldy.
Búgingi taǵda atalǵan baǵytpen Aqtaý jáne Baký porttary arasynda turaqty konteınerlik qatynas jáne Quryq – Baký paromdyq qatynasy jolǵa qoıylǵan.
Sonymen qatar, QR Indýstrııa jáne ınfraqurylymdyq damý mınıstrligi THKB-niń úzdiksiz jumys isteýin qamtamasyz etý maqsatynda Bakýde Ázerbaıjan, Grýzııa jáne Túrkııanyń quzyrly organdarymen jáne kólik uıymdarymen kezdesý uıymdastyrýdy josparlap otyr.
Máskeýde «QTJ« UK» AQ qazaqstandyq júkterdi tasymaldaý logıstıkasy máseleleri boıynsha Reseı temir joldarymen kelissózder júrgizip jatyr. Sonymen qatar,
«QTJ» UK« AQ janynda temirjol júk tasymaly máseleleri boıynsha jedel jeli ashyldy. Onyń ishinde:
- júkterdi basqa baǵytqa jiberýge ótinimder qabyldaý jáne keńes berý (mejeli stantsııalardy ózgertý, alǵashqy tıeý stantsııasyna qaıtarý jáne t.b.) boıynsha «QTJ-Júk tasymaly« JShS-nan jaýapty maman - S. Abjaleev, telefony: 8 (702) 164-55-39, 60-31-33;
- «QTJ «UK» AQ-nan kedendik qyzmetke baılanysty suraqtar boıynsha keńes beretin qyzmetker (G. Haırýlına telefony: 60-30-19, 8 (701) 341-32-20).
