QR IDM: Jylý berý maýsymynda kómir tapshylyǵy bolmaıdy
ASTANA. QazAqparat - Kezekti jylý berý mańsymynda elimizde kómir tapshylyǵy bolmaıdy. Bul týraly búgin QR IDM Indýstrııalyq damý jáne ónerkásiptik qaýipsizdik komıteti tóraǵasynyń orynbasary Qanat Baıytov aıtty, dep habarlaıdy QazAqparat tilshisi.
«Biz kómir tapshylyǵy oryn almaıdy jáne 1 tonnasy 10-16 myń teńge, keıbir jerlerde tasymaldaý uzaqtyǵyna baılanysty 18-19 myń teńge bolady dep sanaımyz», - dedi ol.
Onyń aıtýynsha, aldaǵy jylý berý maýsymyna daıyndyq boıynsha aýqymdy jumystar bastalǵan. Máselen, endigi ýaqytta energetıkalyq kómirge Energetıka mınıstrligi, al kommýnaldyq-turmystyq jáne halyqqa arnalǵan kómir úshin Investıtsııalar jáne damý mınıstrligi jaýapty bolady.
«Aǵymdaǵy jyldyń tamyz aıynda qajetti kómirdiń 70 paıyzdan astamy dittegen jerine jetkizildi. Degenmen kómir jetkizilmegen óńirler de bar. Máselen, Qyzylorda oblysyna klımattyq jaǵdaılarǵa baılanysty áli jetkizilgen joq. Qazir ol jaqqa kómir aparýdyń esh máni joq bolǵandyqtan qyrkúıek-qazan aılaryna shegerilgen. Biz jergilikti atqarýshy organdarmen qoımalarda qansha kómir bar ekenine, baǵasy qandaı ekenine qatysty málimetterdi kúndelikti jınap otyramyz», - dedi Qanat Baıytov.
