QR IDM Jer qoınaýyn paıdalaný quqyǵyn berýge jarııalanǵan konkýrsty ótkizbeıtin boldy
ASTANA. QazAqparat - Qazaqstan Respýblıkasynyń Investıtsııalar jáne damý mınıstrligi jer paıdalaný quqyǵyn berýge arnalǵan aýktsıon túrindegi 2016 jylǵy 16 maýsymǵa belgilengen konkýrsty ótkizbeıtin boldy.
«Konkýrsqa qatysýǵa berilgen ótinishter sany az bolǵandyǵyna jáne ony ótkizý paıdaly emestigine baılanysty Qazaqstan Respýblıkasy Investıtsııalar jáne damý mınıstrligi 2016 jylǵy 19 sáýirdegi Egemen Qazaqstan gazetinde jáne Mınıstrliktiń: www.mid.gov.kz veb-saıtynda jarııalanǵan jer qoınaýyn paıdalaný quqyǵyn berýge arnalǵan aýktsıon túrindegi konkýrstyń kúshin joıý týraly habarlaıdy, soǵan baılanysty aýktsıonǵa qatysý ótinishterin qabyldaýdy toqtatady», - delingen mınıstrliktyń habarlamasynda.
Aýktsıonnyń kúshin joıýǵa baılanysty aýktsıonǵa qatysý úshin tólem qaıtarylýǵa tıis.
Anyqtama úshin telefondar: 8 (7172) 75 44 67, 75 44 68, 75 44 72.
