QR IDM Syrtqy ekonomıkalyq yntymaqtastyq departamentiniń dırektory taǵaıyndaldy

ASTANA. QazAqparat - Alen Dáýletov Qazaqstan Respýblıkasy Investıtsııalar jáne damý mınıstrligi Syrtqy ekonomıkalyq yntymaqtastyq departamentiniń dırektory bolyp taǵaıyndaldy. Bul týraly QR IDM týrızm ındýstrııasy departamentiniń dırektory Marat Iǵalıev óziniń Facebook paraqshasynda habarlady.

«Alen Dáýletovty Qazaqstan Respýblıkasy Investıtsııalar jáne damý mınıstrligi Syrtqy ekonomıkalyq yntymaqtastyq departamentiniń dırektory bolyp taǵaıyndalýymen quttyqtaımyn. Qutty bolsyn!», - dep jazdy Iǵalıev.

Alen Dáýletov 1985 jyly 12 sáýirde dúnıege kelgen. 2008 jyly ál-Farabı atyndaǵy Qazaq ulttyq ýnıversıtetin «Halyqaralyq qatynastar» mamandyǵy boıynsha bitirgen. 2010 jyldyń aqpan aıynan beri QR Investıtsııalar jáne damý mınıstrliginde jumys isteıdi. Sońǵy laýazymy - syrtqy ekonomıkalyq yntymaqtastyq departamenti dırektorynyń orynbasary.